Колькасць католікаў у Босніі і Герцагавіне пастаянна зніжаецца. За апошнія 20 гадоў яна паменшылася ўдвая. На гэта звярнуў увагу кардынал Тарчызіо Бэртонэ, Дзяржсакратар Яго Святасці, які ад імя Пантыфіка скіраваў пасланне да мясцовых біскупаў.

Як адзначыў кардынал у лісце, дадзеная сумная статыстыка з’яўляецца вынікам вайны ў 90-х гадах, а таксама эміграцыі моладзі.

«Святы Айцец заахвочвае біскупаў актывізаваць ініцыятывы на карысць будучыні місіі Касцёла ў Босніі і Герцагавіне», — адзначыў Дзяржсакратар і дадаў, што іерархі «павінны пераадолець расчараванне і здолець вытрываць».