Папская рада па сродках масавай камунікацыі збірае біскупаў краін Лацінскай Амерыкі, каб пазнаёміць з важнасцю сучасных медыя, у прыватнасці інтэрнэта і сацыяльных сетак, для распаўсюджання Евангелля. Трэнінг, які пройдзе 4-8 лютага, узначаліць старшыня ватыканскага ведамства арцыбіскуп Клаўдыё Марыя Чэллі.

Месцам правядзення трэнінгу стане сталіца Кубы Гавана. Гэты выбар не выпадковы: паводле арцыбіскупа Чэллі, сустрэча павінна прадэманстраваць сімпатыю Касцёла да кубінцаў і “гатоўнасць да дыялога на карысць народа”.

Падобныя мерапрыемствы Папская рада па сродках масавай камунікацыі арганізуе для біскупаў з краін Лацінскай Амерыкі не ўпершыню. Семінар, прысвечаны камунікацыі і евангелізацыі ў эпоху лічбавых тэхналогій, ужо праходзіў у Бразіліі ў лістападзе 2013 г.

Паводле беларускай рэдакцыі Ватыканскага радыё

(AG)