1 сакавіка распачынаецца Вялікі пост — час падрыхтоўкі да святкавання пасхальнай таямніцы, у якой праявілася збаўчая любоў Бога да чалавека.

Сёлетнія вялікапосныя рэкалекцыі, якія будуць праходзіць на нашым партале, падрыхтавалі айцы-езуіты з Ірландыі на падставе кнігі амерыканскага езуіта а. Джэймса Марціна SJ «Сем апошніх слоў» (Seven Last Words) для шматмоўнага сайта «Прастора малітвы».

У аснове разважанняў — сем апошніх выказванняў Хрыста, прамоўленых Ім у Вялікую пятніцу з крыжа.

Услед за ўводзінамі, якія з’явяцца на сайце 28 лютага, кожную нядзелю будзе публікавацца новае разважанне, якім можна карыстацца для малітвы на працягу тыдня.

План рэкалекцый:

• Уводзіны
• Першае разважанне: «Ойча, прабач ім, бо не ведаюць, што робяць» (Лк 23, 34)
• Другое разважанне: «Сапраўды кажу табе: сёння будзеш са Мною ў раі» (Лк 23, 43)
• Трэцяе разважанне: «Жанчына, вось сын Твой… Вось Маці твая» (Ян 19, 26–27)
• Чацвёртае разважанне: «Божа Мой, Божа Мой, чаму Ты Мяне пакінуў?» (пар. Мк 15, 34 Мц 27, 46)
• Пятае разважанне: «Прагну» (Ян 19, 28)
• Шостае разважанне: «Здзейснілася!» (Ян 19, 30)
• Сёмае разважанне: «Ойча, у рукі Твае аддаю дух Мой» (Лк 23, 46)
• Заключэнне

(VGr)