Міждыяцэзіяльная вышэйшая духоўная семінарыя імя св. Тамаша Аквінскага ў Пінску як адна з вышэйшых навучальных установаў Рыма-Каталіцкага Касцёла ў Беларусі дае будучым святарам неабходныя веды і развівае якасці, патрэбныя для плённага служэння людзям і Касцёлу.

Працэс падрыхтоўкі працягваецца 6 гадоў. Першыя два гады прысвечаны вывучэнню філасофскіх прадметаў і моваў. Наступныя чатыры гады прысвечаны вывучэнню ў асноўным прадметам тэалагічнага накірунку. Акрамя інтэлектуальнай падрыхтоўкі і духоўнага фарміравання прадугледжана літургічная практыка на парафіях.

Прыём дакументаў

Рэктарат семінарыі:

1 чэрвеня - 31 ліпеня з 10.00 да 17.00 (акрамя нядзеляў і ўрачыстасцяў)

г. Пінск, вул. Леніна, 16, тэл. 8 0165 65 41 45

Мінска-Магілёўская архідыяцэзія:

па папярэднім запісе 1 чэрвеня - 20 ліпеня з 10.00 да 17.00 (акрамя нядзеляў і ўрачыстасцяў) 

г. Мінск, вул. Рэвалюцыйная, 1а, тэл. 8 029 553 90 76 кс. Дзмітрый Пухальскі 

Віцебская дыяцэзія:

па папярэднім запісе 1 чэрвеня - 20 ліпеня 

тэл. 8 033 696 45 56 кс. Андрэй Бульчак

Кандыдаты ў семінарыю павінны прадставіць наступныя дакументы:

• уласнаручна напісаная заява аб прыняцці ў семінарыю з матывацыяй свайго рашэння
• уласнаручна напісанная аўтабіяграфія
• атэстат аб сярэдняй адукацыі альбо дыплом аб заканчэнні іншай навучальнай установы
• пасведчанне аб сакрамэнце хросту
• пасведчанне аб сакрамэнце канфірмацыі
• пасведчанне аб удзеле ў катэхезе
• характарыстыка ад пробашча
• медыцынская даведка для паступлення ў ВНУ
• пашпарт і яго ксеракопія (старонкі 31-33)
• ваенны білет (прыпісное пасведчанне) і яго ксеракопія
• 4 фотаздымкі (3х4 см).

У семінарыю прымаюцца кандыдаты ва ўзросце да 30 гадоў.
Кандыдат павінен быць практыкуючым католікам (не менш за тры гады) і валодаць неабходнымі якасцямі для будучага святарскага служэння.

Уступны экзамен

Міждыяцэзіяльная вышэйшая духоўная семінарыя ў Пінску (вул. Леніна, 16) паведамляе, што для паступлення на навучальны год 2015/2016 неабходна з’явіцца ў семінарыю 31 ліпеня 2015 г. да 14.00. Мерапрыемствы, звязаныя з уступнымі экзаменамі, будуць адбывацца 31 ліпеня — 1 жніўня.

Падчас уступнага экзамену кандыдат павінен паказаць свае веды па асноўных тэмах з катэхізіса і актуальнага жыцця Каталіцкага Касцёла.

Афіцыйная старонка семінарыі — seminaryja.by.

Паводле інфармацыі кс. Уладзіміра Русака (АлГ)