Апублікаваны асабістыя запісы Пія XII

Дзяржава Ватыкан

30.08.2010 11:44

Ватыканскі сакрэтны архіў апублікаваў першы том асабістых нататак кардынала Эўгеніо Пачэллі, будучага папы Пія XII. У яго ўваходзяць запісы, пачынаючы з 12 лютага 1930 г., калі кардынал Пачэллі быў прызначаны Дзяржаўным сакратаром Апостальскай Сталіцы. Усе нататкі змесцяцца на 2 617 старонках з аповедам пра 1956 сустрэч, якія адбываліся да 1939 г. Як адзначае прэфект Ватыканскага сакрэтнага архіва біскуп Серджыо Пагано, у нататках можна знайсці нямала сценаграфічных запісаў прамоваў Пія XII. Аднак яны не ахопліваюць усіх праблем узгаданага перыяду. Выданне нататак Пія XII падрыхтаваў цяперашні Дзяржаўны сакратар кардынал Тарчызіо Бэртонэ.