У лістападзе выходзіць у свет музычны альбом Бэнэдыкта XVI

Святы Айцец

01.10.2009 15:29

У лістападзе 2009 г. плануецца выпуск музычнага альбома Святога Айца Бэнэдыкта XVI пад назвай «Alma Mater — Музыка з Ватыкана». Пантыфік будзе дэкламаваць і спяваць малітвы ў суправаджэнні традыцыйных касцёльных мелодый. Для альбома былі спецыяльна напісаны 8 новых твораў. Іх аўтарамі з’яўляюцца тры вядомыя кампазітары: Саймон Бозуэл (Вялікабрытанія), Стэфано Маінэцці (Італія) і Нур Эдынэ (Марока). Прадзюсер альбома Вінсэнт Месіна адзначыў у сувязі з гэтым, што розныя погляды і рэлігійныя перакананні кампазітараў найлепш адпавядаюць мэце праекта — стварыць «універсальны» альбом для аматараў музыкі, незалежна ад іх рэлігійнай прыналежнасці. «Для мяне было сапраўдным чараўніцтвам, калі традыцыі грыгарыянскага харалу і мае арабскія мелодыі злучыліся так гарманічна», — прызнаўся адзін са стваральнікаў альбома Нур Эдынэ. Запіс голасу Бэнэдыкта XVI праходзіў у Ватыканскай базыліцы Святога Пятра. У праекце таксама прымаў удзел хор Рымскай філарманічнай акадэміі і вялікабрытанскі Каралеўскі філарманічны аркестр. Паводле матэрыялаў Благовест-инфо