У новым нумары выдання Апостальскай Сталіцы «L’Osservatore Romano» яго галоўны рэдактар Джаванні Марыя Віян узгадвае аб візіце Святога Айца Бэнэдыкта XVI у парафію Святога Максімільяна Кольбэ на ўскраіне Рыма. Як адзначаецца, Папа прамовіў там гамілію, у якой «пракаментаваў пытанне, якое задалі Езусу вучні Яна Хрысціцеля: Ты той, хто павінен прыйсці, або нам чакаць іншага?».

«Кажучы як вопытны прамоўца і прыцягваючы ўвагу прысутных, Бэнэдыкт XVI адклаў падрыхтаваную прамову і засяродзіўся на гэтым. Так, каб зірнуць на гісторыю апошніх стагоддзяў, узгадваючы многіх прарокаў, ідэолагаў і дыктатараў, якія сцвярджалі: гэта не Езус, а мы змянілі свет. І змянілі яго, але — як адзначыў Папа, — пакінуўшы пасля сябе вялікія знішчэнні», — чытаем у выданні.

«Таму, — піша далей рэдактар, — мы павінны далей пытацца ў Хрыста, вобраз якога прадставіў нам Бэнэдыкт XVI, няпісанымі словамі, у якіх заключаны адказ: „Бачыце, што Я зрабіў. Я не ўчыніў крывавай рэвалюцыі, не змагаўся сілай са светам, аднак запаліў шмат агнёў, якія адначасова стварылі вялікі шлях святла тысячагоддзі таму».