Гэта
архіў старой версіі сайта. Новая версія знаходзіцца па адрасе
catholic.by
Працоўная група Ватыкана наведала Бразілію для ўдакладнення праграмы ўдзелу Папы ў Дні моладзі |
24.04.2013 17:21 |
Працоўная група з Ватыкана наведала Рыа-дэ-Жанейра для ўдакладнення праграмы ўдзелу папы Францішка ў Сусветным дні моладзі. Альбэрто Гасбары, адказны за падрыхтоўку апостальскіх падарожжаў Святога Айца, даў добрую адзнаку працы і падзякаваў усім, хто прымае ўдзел у падрытоўцы візіту.
Як інфармуе Ватыканскае радыё, дэлегацыя Апостальскай Сталіцы наведала месцы, дзе пройдуць асноўныя мерапрыемствы ў рамках візіту Пантыфіка. Таксама адбылася сустрэча прадстаўнікоў Касцёла з бразільскімі ўладамі.
Мэтай стала перапрацоўка зацверджанай у канцы мінулага года праграмы візіту Пантыфіка з улікам пажаданняў папы Францішка. На сённяшні дзень пацверджаны ўдзел Святога Айца ў сустрэчы з моладдзю ў Капакабане, у Крыжовым шляху, вячэрнім вігілійным чуванні і заключнай Эўхарыстыі. Літургію на адкрыццё Сусветнага дня моладзі будзе цэлебраваць арцыбіскуп Рыа-дэ-Жанейра Арані Хоао Тэмпеста, на ёй Папа прысутнічаць не будзе. Прыбыццё Святога Айца папярэдне запланавана на 25 ліпеня. (AG)
|
Пры выкарыстанні матэрыялаў сайта спасылка на
Catholic.By абавязкова.