11 верасня 2011 г. Святы Айцец Бэнэдыкт XVI наведае Анкону (Італія) з нагоды XXV Нацыянальнага эўхарыстычнага кангрэса. Гэта будзе ўжо 24-e пастырскае падарожжа.

З Ватыкана ў Анкону Папа выляціць у 9.15 па мясцовым часе. А ўжо а 10-й гадзіне распачнецца святая Імша на заканчэнне кангрэса.

Пантыфік сустрэнецца з прадстаўнікамі мясцовага аддзялення «Карытас», з сем’ямі і духавенствам. На 18-ю гадзіну запланавана сустрэча Бэнэдыкта XVI з нарачонымі.