Святы Айцец Бэнэдыкт XVI зрабіў ахвяраванне ў памеры 250 тысяч долараў на Брытанскі ардынарыят для англіканаў, якія перайшлі ў Каталіцкі Касцёл. Кіраўнік гэтай структуры, былы англіканскі біскуп кс. прэлат Кейт Ньютан, адзначыў, што дар Папы паспрыяе стабільнасці ардынарыята.

Ардынарыят для былых англіканаў, якія перайшлі ў каталіцызм на ўмовах захавання англіканскай царкоўнай традыцыі, быў створаны Бэнэдыктам XVI у студзені 2011 г. Цяпер ён уключае ў сябе 60 святароў і каля 1 300 вернікаў. Сёлета ў ардынарыят перайшлі 250 англіканаў, якія пажадалі стаць членамі Каталіцкага Касцёла.