Насычаная праграма чакае Пантыфіка ў бліжэйшыя месяцы. Прэс-служба Апостальскай Сталіцы апублікавала каляндар цэлебрацый, якія з лютага па сакавік узначаліць Святы Айцец. 

• 2 лютага — у свята Ахвяравання Пана і Дзень кансэкраванага жыцця Пантыфік узначаліць Імшу ў ватыканскай базыліцы.

• 11 лютага — падчас святой Імшы ў 11.00 Бэнэдыкт XVI узначаліць кансісторыю па справе некаторых кананізацыйных працэсаў.
• 13 лютага — у Папяльцовую сераду Папа накіруецца ў Авенцін, дзе згодна з традыцыяй узначаліць працэсію ў рымскім касцёле св. Ансэльма.
• 17 лютага — у першую нядзелю Вялікага посту ў 18.00 распачнуцца велікапосныя рэкалекцыі для Папы і супрацоўнікаў Рымскай Курыі. Рэкалекцыі правядзе старшыня Папскай рады па культуры кардынал Джанфранка Равазі. Завяршацца духоўныя практыкаванні ў суботу 23 лютага.
• 24 сакавіка — у Вербную нядзелю Бэнэдыкт XVI узначаліць працэсію і літургію на плошчы Святога Пятра ў Рыме.
• 28–30 сакавіка — у Вялікі чацвер, Вялікую пятніцу і Вялікую суботу (у ватыканскай базыліцы) Пантыфік узначаліць асноўныя літургіі. У пятніцу таксама прыме ўдзел у набажэнстве Крыжовага шляху ў Калізеі.  
• 31 сакавіка — ва ўрачыстасць Вялікадня Пантыфік будзе цэлебраваць літургію ў 10.15 па мясцовым часе, а ў 12.00 з балкона базылікі ўдзеліць благаслаўленне «Urbi et Orbi» («Гораду і свету»).

(SZh)