Чалавек можа быць гаспадаром моманту, але Хрыстус – Пан часу: пра гэта нагадаў Папа Францішак 26 лістапада ўдзельнікам Эўхарыстыі ў капліцы Дома св. Марты. Папа даў дзве парады, каб добра разумець цяперашні час і рыхтавацца да апошняга моманту: трываць у малітве і мець надзею.

Малітва і праніклівасць, па словах Святога Айца, дапамагаюць глыбока разумець асобныя моманты жыцця і скіроўваюць да Бога. Надзея, аднак, — гэта, як адзначыў Папа, “фара дальняга святла”, якая асвятляе апошнюю частку жыцця чалавека і ўсяго свету. Пантыфік звярнуў увагу, што жыццё ў асобны момант і жыццё ў часе — дзве розныя рэчы.

“Хрысціянін – гэта чалавек, здольны жыць і момантам, і часам”, - сказаў Папа. — Каб распазнаваць сапраўдныя знакі, каб ведаць шлях, на які неабходна ўстаць у дадзены момант, неабходны дар праніклівасці і малітвы. Аднак, каб глядзець на час, адзіным гаспадаром якога з’яўляецца Езус Хрыстус, нам не дапаможа ніводная з чалавечых цнотаў. Цнота, каб глядзець на час, павінна быць дадзена, падаравана Панам: гэта надзея! Малітва і праніклівасць — для моманту, надзея — для часу”.

Паводле Святога Айца, такім павінна быць жыццё чалавека: з малітвай і праніклівасцю перажываць асобныя моманты і пакідаць месца надзеі. Папа заклікаў вернікаў прасіць Бога таксама аб цноце – мудрасці, якая дапамагае маліцца і быць праніклівымі ў кожны момант жыцця, а ў часе дазваляе жыць з надзеяй.

Паводле беларускай рэдакцыі Ватыканскага радыё

(AG)