Касцёл павінен быць радасным, як Езус; менавіта радасць ён пакліканы перадаваць людзям — радасць, якая нясе сапраўдны спакой. Гэтаму прысвяціў гамілію падчас ранішняй Імшы 3 снежня Папа Францішак.

Папа звярнуў увагу, што мы прызвычаіліся ўяўляць Хрыста прапаведуючым, навучаючым, аздараўляючым, але забыліся, што Езус усміхаўся, быў радасным, у Яго была “ўнутраная радасць”, Ён радаваўся ў Святым Духу. Менавіта такая радасць, па словах Папы, з’яўляецца сапраўдным спакоем, бо спакой – не нешта статычнае, ціхае, памяркоўнае; ён з’яўляецца радасным.

“Наш Бог з’яўляецца радасным”, - падкрэсліў Святы Айцец і дадаў, што Бог жадае, каб Касцёл быў таксама такім. Нават у пытаннях сур’ёзных, такіх, як евангелізацыя, Касцёл не павінен адчуваць недахопу ў радасці, адзначыў Пантыфік.

Паводле беларускай рэдакцыі Ватыканскага радыё

(AG)