“Касцёл поўны хрысціян пераможаных”, якія “вераць напалову”, - адзначыў з жалем Святы Айцец падчас Імшы 10 студзеня. Па словах Папы, трэба мець мужнасць давяраць Богу, бо “вера можа ўсё” , яна “перамагае свет”.

“Той, хто жыве ў Богу, той, хто народжаны ад Бога, хто прабывае ў любові – пераможа свет”, - падкрэсліў Святы Айцец. Трагічна, паводле Пантыфіка, што Касцёл сёння складаецца з вялікай колькасці людзей, якія не вераць у яго перамогу, а “тэрмометр жыцця Касцёла” паказвае сёння нізкую тэмпературу веры.

Найлепшым вызнаннем веры, па словах Папы, з’яўляецца яе захаванне і давер Богу, а праблема многіх хрысціян са “слабой надзеяй” у тым, што не маюць у сабе сілы і мужнасці даверыцца Пану. Але толькі абапіраючыся на Бога, мы можам стаць пераможцамі, нагадаў Пантыфік сабраным у капліцы Дома св. Марты.

Паводле беларускай рэдакцыі Ватыканскага радыё

(AG)