Даведаюцца, што Я — Пан, калі пакажу славу Маю на фараоне

Чытанне кнігі Зыходу.

У тыя дні:

Абвешчана было каралю егіпецкаму, што народ уцёк. І адвярнулася сэрца фараона і слугаў ягоных ад гэтага народа, і сказалі яны: Што гэта мы зрабілі? Навошта мы адпусцілі ізраэльцянаў, каб яны не працавалі на нас? Фараон запрог сваю калясніцу і забраў з сабою свой народ. Узяў шэсцьсот лепшых калясніц, і ўсе егіпецкія калясніцы, і правадыроў над усімі імі.

Пан учыніў жорсткім сэрца фараона, караля егіпецкага, і ён пагнаўся за сынамі Ізраэля.  Сыны ж Ізраэля выходзілі з узнятаю рукою. І пагналіся за імі егіпцяне (усе коні, калясніцы фараона, і вершнікі, і ўсё войска ягонае) і дагналі іх каля Пі-Хахірота, перад Баал-Цэфонам, калі яны разбілі лагер каля мора.

Фараон наблізіўся, а сыны Ізраэля, узняўшы вочы свае, убачылі, што егіпцяне ідуць за імі.  Сыны Ізраэля вельмі спалохаліся і ўсклікнулі да Пана. Яны сказалі Майсею: Ці ж няма грабніц у Егіпце, што ты прывёў нас паміраць у пустыні? Што гэта ты зрабіў нам, што вывеў нас з Егіпта? Ці ж не тое самае гаварылі мы табе ў Егіпце, кажучы: Пакінь нас, няхай мы будзем працаваць на егіпцянаў, бо лепш нам быць у няволі ў егіпцянаў, чым памерці ў пустыні. Але Майсей сказаў народу: Не бойцеся, стойце — і ўбачыце выратаванне ад Пана, якое ўчыніць вам сёння, бо егіпцянаў, якіх вы бачыце сёння, больш не ўбачыце ніколі. Пан будзе змагацца за вас, а вы будзьце спакойныя.

Сказаў Пан Майсею: Чаму ты ўсклікаеш да Мяне? Скажы сынам Ізраэля, няхай выходзяць. А ты падымі кій свой і працягні руку сваю да мора і падзялі яго, і пойдуць сыны Ізраэля сярод мора па сушы. Я ж зраблю жорсткім сэрца егіпцян, каб пайшлі яны ўслед за імі. І пакажу славу Маю на фараоне і ўсім войску ягоным, на калясніцах і вершніках ягоных. І даведаюцца егіпцяне, што Я – Пан, калі пакажу славу Маю на фараоне і ўсім войску ягоным, на калясніцах і вершніках ягоных.

Гэта слова Божае.

аРЭСПАНСАРЫЙНЫ ПСАЛЬМ

Рэфрэн: Спяваю Пану, бо Ён узвысіўся.

1. Спяваю Пану, бо Ён узвысіўся, †
каня і вершніка яго скінуў у мора.*
2. Пан мая сіла і мая песня, Ён стаў маім збаўленнем.
Ён мой Бог, Яго праслаўляю. *
Ён Бог айца майго, узвялічу Яго.

Рэфрэн:

3. Пан магутны ў барацьбе, *
Яго імя Усемагутны.
4. Калясніцы фараона і яго войска Ён кінуў у мора, *
лепшыя ваяры ягоныя патанулі ў Чырвоным моры.

Рэфрэн:

5. Бездань іх праглынула, *
яны сышлі ў глыбіні.
6. Правіца Твая, Пане, праслаўлена моцаю,*
правіца Твая, Пане, перамагла ворага.

Рэфрэн:
а

Год ІІ

ПЕРШАЕ ЧЫТАННЕ

О чалавек, сказана табе, чаго патрабуе ад цябе Пан

Чытанне кнігі прарока Міхея.

Гэта слова Божае.

аРЭСПАНСАРЫЙНЫ ПСАЛЬМ

Рэфрэн: Беззаганнаму ў паводзінах пакажу збаўленне.

5. Збярыце да Мяне верных Маіх, *
якія праз ахвяру заключылі са Мной запавет.
6. І нябёсы абвесцяць Яго справядлівасць, *
таму што сам Бог — суддзя.

Рэфрэн:

8. Не буду дакараць цябе за твае ахвяры; *
твае ўсеспаленні заўжды перада Мною.
9. Не прыму вала з твайго дому, *
ні казлоў з тваіх загонаў.

Рэфрэн:

16. Нашто пералічваеш мае наказы *
і ў вуснах носіш мой запавет,
17. а сам ненавідзіш настаўленне *
і словы Мае кідаеш за сабою?

Рэфрэн:

21. Ты гэта рабіў, а Я маўчаў. *
Ты думаў, што Я падобны да цябе?
23. Хто прыносіць ахвяру падзякі, той Мяне шануе, *
і таму, хто беззаганны ў паводзінах, Я пакажу Божае збаўленне.

Рэфрэн:

СПЕЎ ПЕРАД ЕВАНГЕЛЛЕМ

Каралева Поўдня ўстане на судзе з гэтым пакаленнем

+ Чытанне святога Евангелля паводле Мацвея.

У той час:

Некаторыя кніжнікі і фарысеі сказалі Езусу: Настаўнік, хочам ад цябе ўбачыць знак. Але Ён адказаў ім:

Пакаленне нягоднае і распуснае шукае знаку, але ніякага знаку не будзе дадзена яму, апрача знаку Ёны прарока. Бо як Ёна быў у чэраве кіта тры дні і тры ночы, так і Сын Чалавечы будзе ў сэрцы зямлі тры дні і тры ночы.

Людзі з Нінівы ўстануць на судзе супраць гэтага пакалення і асудзяць яго, бо яны пакаяліся дзякуючы прапаведаванню Ёны, а тут большае, чым Ёна.

Каралева Поўдня ўстане на судзе з гэтым пакаленнем і асудзіць яго, бо яна прыйшла з краю зямлі паслухаць мудрасці Саламона, а тут большае, чым Саламон.

Гэта слова Пана.

Пераклад здзейснены Секцыяй па перакладзе літургічных тэкстаў і афіцыйных дакументаў Касцёла пры ККББ