Адвэнт — гэта перыяд радасны і адначасова вельмі адказны. У адрозненні ад Вялікага посту ў Адвэнце мы больш засяроджваемся не на ўчыненых грахах, а на бясконцай дабрыні Збаўцы. Мы рыхтуемся да гэтай сустрэчы, і таму ўжо зараз павінны вырашыць, кім ёсць Хрыстус у маім жыцці, асабіста для мяне, тут і цяпер?

Упершыню пра Адвэнт як час падрыхтоўкі да Нараджэння Пана ўзгадваецца ў гістарычных крыніцах IV ст. Адвэнт багаты на разнастайныя сімвалы і традыцыі. Пры гэтым кожны народ і краіна маюць штосьці адметнае.