«Кожны, хто пакліча імя Пана, будзе збаўлены. Але як будуць заклікаць Таго, у якога не паверылі? Альбо як павераць у Таго, пра якога не чулі? Але ж як змогуць пачуць, калі ніхто ім (Яго)не абвяшчаў?» (пар. Рым 10, 13n).

Распачынаецца новы навучальны год. Пасля летніх канікулаў пачнуцца не толькі заняткі ў школах, але і катэхезы ў парафіях. У мінулым годзе за часы адраджэння Касцёла ў Беларусі ўпершыню былі выдадзены падручнікі для вучняў базавай і сярэдняй школы па навучанні катэхезе. У чым іх спецыфіка і якія праблемы яшчэ стаяць перад катэхетамі нашай краіны, мы спыталі ў с. Фабіяны Патшонсай MSF, былой старшыні Катэхетычнай секцыі пры ККББ.