30 кастрычніка ў Міністэрстве спорту і турызму Рэспублікі Беларусь адбылося другое пасяджэнне па пытаннях арганізацыі і правядзення VIII Чэмпіянату Еўропы па міні-футболе сярод святароў, што пройдзе ў Беларусі. Міністэрства на сустрэчы прадставіў першы намеснік міністра спорту і турызму Аляксандр Гагіеў, Каталіцкі Касцёл — Мітрапаліт Мінска-Магілёўскі арцыбіскуп Тадэвуш Кандрусевіч.

На сустрэчы закраналіся пытанні арганізацыі Чэмпіянату, асабліва цырымоніі адкрыцця і закрыцця, арэнды спартыўных збудаванняў, інфармацыйна-рэкламнага забеспячэння і зацвярджэння расходаў на правядзенне Чэмпіянату.

Першае пасяджэнне па пытаннях арганізацыі і правядзення Чэмпіянату адбылося ў Міністэрстве спорту і турызму 31 ліпеня.

Наступная сустрэча запланавана на канец лістапада.

(AG)