Гэта архіў старой версіі сайта. Новая версія знаходзіцца па адрасе catholic.by
| Супрацоўнікі і валанцёры «Карытас» здзейснілі пілігрымку ў Вільнюс |
| Беларусь |
| 03.06.2014 15:39 |
|
Пасля Імшы ўдзельнікі мерапрыемства мелі вольны час, які яны прысвяцілі размовам, атрымліваючы ў дадатак асалоду ад традыцыйнай літоўскай кухні ў жывапісным цэнтры горада. Далей экскурсія па гораду ўключыла ў сябе і духоўныя элементы: усе супрацоўнікі «Карытас» у Беларусі сабраліся на сумесную малітву Вяночка да Божай Міласэрнасці ў Санктуарыі Божай Міласэрнасці. Наступным пунктам насычанай праграмы стала пешая вандроўка па гораду, падчас якой удзельнікі акунуліся ў гісторыю і пачулі шмат легенд і гісторый старажытнага Вільнюса. Катэдральная плошча, Катэральны касцёл, капліца Св. Казіміра, дзе знаходзяцца парэшткі святога, касцёл Святой Ганны – шэдэўр позняй готыкі, касцёл Св. Пятра і Паўла пакінулі велічнае ўражанне ва ўсіх удзельнікаў пілігрымкі. Натхнёныя і поўныя новых сіл супрацоўнікі і валанцёры «Карытас» вярнуліся ў Беларусь. Несці цеплыню людзям – гэта вельмі важнае і няпростае заданне для кожнага хрысціяніна, а тым больш для таго, хто працуе ў дабрачыннай арганізацыі «Карытас». Але дзякуючы супрацоўніцтву і ўнутранай еднасці, якая бярэ пачатак з асабістага духоўнага пасвячэння сябе перад Богам тым, хто патрабуе, можна зрабіць шмат. Менавіта з такімі настаўленнямі і падзякай Богу супрацоўнікі «Карытас» вярнуліся дадому.
(AYU) |
| Фотарэпартаж |
2 чэрвеня 2014 года ў межах «Майскай сустрэчы» для супрацоўнікаў і валанцёраў дабрачыннай арганізацыі «Карытас» адбылася пілігрымка па святых месцах Вільнюса.
для друкуПры выкарыстанні матэрыялаў сайта спасылка на Catholic.By абавязкова.
