Гэта архіў старой версіі сайта. Новая версія знаходзіцца па адрасе catholic.by
| Першыя манаскія шлюбы склалі два браты-дамінікане з Беларусі |
| Беларусь |
| 25.08.2014 16:07 |
|
Падчас святой Імшы, пасля Евангелля, паводле традыцыі браты леглі на падлогу тварам. У гэты момант усе прысутныя маліліся да св. Дамініка старажытнай антыфонай «O spem miram». Пасля яе заканчэння надышла хвіліна дыялогу, падчас якога на пытанне правінцыяла: «Чаго жадаеце?», браты адказвалі: «Божай і вашай міласэрнасці!» Падчас гаміліі а. Павел Козацкі гаварыў пра Бога, які пераходзіць праз межы і не згаджаецца, каб хтосьці заставаўся чужым, прыніжаў самога сябе ці згубіўся. «Выходзьце па-за межы шукання сябе, будавання сваёй дасканаласці, кар’еры. Згаджайцеся на тое, што ў манастве патрапіце ў такія сітуацыя, якія не будуць для вас зручнымі, бо яны патрабуюць аддаваць сябе і пакінуць тое, што маеш, таксама пакінуць тое, што прыгожае і добрае, каб пайсці туды, куды запрашае Бог». — заклікаў а. Павел Козацкі.
Ужо на пачатку верасня гэтыя браты-дамінікане распачнуць тэалагічнае і філасофскае навучанне ў Кракаве. Праз год яны могуць аднавіць шлюбы ў чарговы раз, аж да пяцігоддзя, пасля якога ўжо у дамініканскім ордэне складаюцца ўжо вечныя шлюбы.
(AYU)
|
17 жніўня ў касцёле св. Дамініка ў Служэве (Польшча) склалі свае першыя манаскія шлюбы 11 братоў-дамініканаў, у ліку якіх два прадстаўнікі з Беларусі: Дзяніс Сухавараў, які родам з Магілёва, і Аляксандр Жмурко, які родам з Брэста.
для друкуПры выкарыстанні матэрыялаў сайта спасылка на Catholic.By абавязкова.
