11 лістапада 1918 года завяршылася адна з буйнейшых войнаў у гісторыі — Першая сусветная вайна. У выніку вайны па ўсім свеце загінула больш за 9 млн чалавек, а таксама спынілі сваё існаванне тры імперыі: Расійская, Асманская і Аўстра-Венгерская.

Сёння ў мінскай архікатэдры ў 18.30 пройдзе святая Імша ў інтэнцыі загінулых у Першай сусветнай вайне, якую ўзначаліць Мітрапаліт Мінска-Магілёўскі арцыбіскуп Тадэвуш Кандрусевіч. У 19.00 пасля Імшы ў касцёле адбудзецца адмысловая экуменічная малітва з удзелам прадстаўнікоў розных канфесій.

Дзень міру — 11 лістапада — з’яўляецца нацыянальным святам Бельгіі і Францыі і адзначаецца штогод. У Вялікабрытаніі Дзень перамір’я адзначаецца як Дзень памінання ў нядзелю, бліжэйшую да 11 лістапада. У гэты дзень згадваюцца ахвяры як Першай, так і Другой сусветных войнаў. У Польшчы ў гэты дзень адзначаюць Дзень незалежнасці.

У 2014 годзе прыпадае 100-годдзе распачацця Першай сусветнай вайны.

(IL)