12 лістапада на Мінскім міжнародным кінафестывалі «Лістапад-2014» падвялі вынікі конкурса нацыянальнага кіно. Сярод лепшых карцін беларускіх рэжысёраў адзначаны дыпломам і фільм рэжысёра Юрыя Гарулёва «Прайграная гісторыя. Вяртанне ў Бішафсверду». Праца над стужкай доўжылася пяць гадоў.

«Ніколі ў маёй біяграфіі не было такой доўгай і цяжкай працы над адной карцінай. Я ведаю, што некаторыя былі ўпэўненыя, што скласці яе немагчыма пры такім багацці матэрыяла, а галоўнае — без сродкаў збоку. Сёння я дзякую ўсёй сваёй камандзе», — адзначыў аўтар карціны.

Юрый Гарулёў — беларускі аператар і рэжысёр, дырэктар і стваральнік міжнароднага каталіцкага фестываля хрысціянскіх фільмаў і тэлепраграм «Magnificat».

(JLS)