У горадзе Айн-Карэм у Святой Зямлі будзе асвечана табліца з марыйным гімнам «Magnificat». Яе асвячэнне запланавана на верасень 2015 года.

З гэтай нагоды з 21 па 28 верасня 2015 года ў Святую Зямлю будзе арганізавана беларуская Нацыянальная пілігрымка. Пра гэта стала вядома на 58-м пленарным пасяджэнні Канферэнцыі Каталіцкіх Біскупаў у Беларусі, якое прайшло 5 снежня ў Душпастырскім цэнтры ККББ.

Разам з табліцаю з марыйным гімнам будзе асвечана і табліца з тэкстам «Benedictus» на беларускай мове. Рашэнне аб пасвячэнні чацвёртай  табліцы было прынята пазней.

Такім чынам, «беларускіх знакаў» у Святой Зямлі стане чатыры, пасля табліцы з малітвай «Ойча наш» на беларускай мове ў аднайменным касцёле Ерузалема і мазаікі Маці Божай Будслаўскай у санктурыі Маці Божай у Назарэце.

(ILS)

Чытайце таксама па тэме:

• Беларускі знак у Назарэце: асвечана мазаіка Маці Божай Будслаўскай

• Па слядах Хрыста: дзённік пілігрыма са Святой Зямлі

• Мітрапаліт Тадэвуш Кандрусевіч пра знакі Касцёла ў Беларусі на Святой Зямлі: «Я не хачу ставіць у гэтым кропку»

• Матэрыялы з пілігрымкі на Святую Зямлю з нагоды ўсталявання табліцы з тэкстам малітвы «Ойча наш» на беларускай мове