31 студзеня заканчваецца прыём заявак на месца практыканта на Catholic.by. Практыка пройдзе з 4 па 28 лютага 2015 года.

Для падачы заяўкі на практыку на адрас рэдакцыі Гэты e-mail адрас абаронены ад спаму-ботаў, для яго прагляду ў Вас павінен быць уключаны Javascript (тэма ліста — практыка) неабходна даслаць матывацыйны ліст з адказам на пытанне «Чаму я хачу прайсці практыку на catholic.by» і невялікім аповедам пра сябе.

Адбор будзе праводзіцца ў два этапы. Пасля конкурсу заявак лепшыя кандыдаты будуць запрошаныя на сумоўе, па выніках якога і будзе выбраны адзін практыкант. Пры адборы перавага будзе аддавацца кандыдату з вопытам працы ў сферы журналістыкі.

Рэдакцыя запрашае да ўдзелу ў конкурсе ідэйных і ініцыятыўных асобаў, якія маюць адукацыю ў сферы журналістыкі, тэалогіі, філалогіі, гісторыі, псіхалогіі ці сацыялогіі, а таксама тых, хто хацеў бы ў межах практыкі рэалізаваць свой уласны праект.

Даведкі па адрасе Гэты e-mail адрас абаронены ад спаму-ботаў, для яго прагляду ў Вас павінен быць уключаны Javascript або па тэлефоне 287 17 79 (з 10.00 да 18.00).