13-14 красавіка па дарозе з Масквы ў Кіеў Мінск наведалі члены экуменічнай супольнасці Тэзе з Францыі на чале з яе прыёрам братам Алоісам. У першы дзень яны наведалі мінскі архікатэдральны касцёл Імя Найсвяцейшай Панны Марыі, у другі – грэка-каталіцкі цэнтр святога Язэпа і праваслаўную царкву Усіх смуткуючых радасць.

14 красавіка ў грэка-каталіцкім цэнтры брат Алоіс адзначыў, што пасля сустрэчы Тэзе ў Чэхіі ў членаў супольнасці з’явілася ідэя наведаць Расію і Украіну. Але і абмінуць Мінск яны не маглі, бо вельмі любяць Беларусь.

Браты адказалі на пытанні вернікаў, якія прыйшлі на сустрэчу ў цэнтр святога Язэпа, і заклікалі да асаблівай малітвы за Папу Францішка.

Паводле krynica.info

(AG)

Фота krynica.info