Апостальская Нунцыятура ў Рэспубліцы Беларусь пры падтрымцы Фонда Равэлла (Італія) выступіла арганізатарам культурна-адукацыйнага праекта для студэнтаў Беларускай дзяржаўнай акадэміі музыкі, Інстытута культуры Беларусі, а таксама навучэнцаў Беларускага дзяржажнага харэаграфічнага каледжа і Рэспубліканскай гімназіі-каледжа пры Беларускай дзяржаўнай акадэміі музыкі.

Апошні тыдзень жніўня група беларускіх студэнтаў і навучэнцаў прымала ўдзел у цыкле майстар-класаў і лекцый вядомых італьянскіх музыкантаў і харэографаў у рамках сусветна вядомага музычнага фестываля Ravello Festival у італьянскім Равэлла.

 

 

Гэты праект быў рэалізаваны Апостальскай Нунцыятурай у Рэспубліцы Беларусь разам з Міністэрствам культуры Рэспублікі Беларусь і пры падтрымцы Міністэрства замежных спраў Рэспублікі Беларусь.

На заканчэнне стажыроўкі былі сабраны меркаванні некаторых выкладчыкаў і студэнтаў. Адзін з беларускіх удзельнікаў выказаўся так: «Тое, што здавалася немагчымым, сталася рэальным — што ёсць хтосьці, хто аплачвае наш побыт у такім месцы. Я ніколі не забудуся гэтага досведу [удзелу ў фестывалі – рэд]; буду памятаць пра гэта ўсё жыццё».

 

Адзін з выкладчыкаў сказаў: «У гэтых хлопцах і дзяўчатах, акрамя музычнай і інструментальнай падрыхтоўкі, я заўважыў чуллівасць, захапленне і талент, які характарызуецца поўнай адданасцю».

 

 

(JS)