29 кастрычніка ў курыі Мінска-Магілёўскай архідыяцэзіі адбылася сустрэча, на якой была абмеркавана падрыхтоўка беларускай каталіцкай моладзі да ўдзелу ў СДМ-2016.

На сустрэчы была зацверджана праграма духоўнай падрыхтоўкі для кожнай з дыяцэзій, а таксама праграма пілігрымавання сімвалаў Сусветных Дзён Моладзі — крыжа і абраза Маці Божай Salus Populi Romani  — у дыяцэзіях і парафіях Беларусі.

Таксама была вызначана дыяцэзія, у якой будзе прабываць наша моладзь на Місійным Тыдні — у Седліцах. Былі ўсталяваны кошт двухтыднёвага ўдзелу, які склаў 300 эўра.

У парафіях ужо распачаўся запіс моладзі.

Па дадатковых пытаннях можна звярнуцца да адказных за падрыхтоўку святароў:

• Гродзенская дыяцэзія — кс. Антоні Грэмза (тэл.: +375  29 632 43 73)
• Мінска-Магілёўская архідыяцэзія — кс. Віталій Драздоўскі (тэл.: +375 29 564 51 95)
• Пінская дыяцэзія — кс. Павел Рудзьман (тэл.: + 375 29 790 00 93)
• Віцебская дыяцэзія — кс. Аляксей Асон (тэл.: +375 29 718 9582)

(AYU)