Вігілійная сустрэча для святароў з супольнасці Ордэна Пабожных Школ (піяраў), якія працуюць у Беларусі, прайшла перад святамі Божага Нараджэння ў Шчучыне.

Традыцыйна такія сустрэчы пачынаюцца ў капліцы супольнай малітвай брэвіярыя, падчас якой усе прысутныя субраты аднаўляюць складзеныя вечныя манаскія абяцанні: паслухмянасці, чысціні, убоства і клопату пра выхаванне дзяцей і моладзі.

Пасля малітвы ўсе збіраюцца пры ўрачыстым вігілійным стале. Зазвычай рэктар супольнасці ў гэты момант чытае пажаданні ад айца правінцыяла, пасля якіх усе дзеляцца аплаткай і абменьваюцца пажаданнямі. Завяршаецца супольная вігілія спяваннем калядак.

А. Віталій Слука SP, (IL)