Пра гэта са спасылкай на старшыню камітэта па працы, занятасці і сацыяльнай абароне Міндзяржвыканкама Жанну Рамановіч паведамляе БЕЛТА.

Паводле слоў Жанны Рамановіч, усвядомленае бацькоўства і асноўныя меры сацыяльнай падтрымкі дазволілі павялічыць у сталіцы долю другіх нараджэнняў у агульнай лічбе нованароджаных з 35,6 працэнта да 39,1 працэнта.

«Паслядоўная і комплексная работа па рэалізацыі сямейнай палітыкі дазволіла дасягнуць самых высокіх паказчыкаў нараджальнасці за апошнія 20 гадоў», — упэўнена Жанна Рамановіч.

У той жа час у Мінску расце і колькасць шматдзетных сем’яў. «Штогод колькасць шматдзетных сем’яў павялічваецца ў сярэднім больш чым на адну тысячу. За 2011-2015 гг. — на 5 607 сем’яў», — зазначыла кіраўнік профільнага камітэта гарвыканкама.

Суразмоўца дадала, што на сёння ў сталіцы жыве 11 135 шматдзетных сем’яў, у якіх выхоўваюцца амаль 34,5 тысячы непаўналетніх.

(IL)