Фота М. Новікава, svjazep.org

Як вядома, абраз Маці Божай Валадаркі Азёраў доўгі час знаходзіўся ва ўніяцкім манастыры Унебаўзяцця Найсвяцейшай Багародзіцы на востраве Неспіш каля Браслава пад апекай уніяцкіх манахаў з ордэна базыльянаў. Тады абраз называлі «манастырскі». Падчас пераследу і ліквідацыі Уніяцкай (Грэка-каталіцкай) Царквы ў Беларусі абраз быў таемна перададзены манахамі пад апеку рыма-каталіцкага касцёла ў Браславе.

Дзевяцідзённыя маленні адбываюцца ў парафіях Грэка-каталіцкай Царквы ў Беларусі і скончуцца напярэдадні ўрачыстасці каранавання абраза, якое ўзначаліць арцыбіскуп Кёльнскі, кардынал Ёахім Майснер. Ва ўрачыстасцях прымуць удзел грэка-каталіцкія вернікі, святары і іерархі як з грэка-каталіцкіх парафій Беларусі, так і з замежжа.

З нагоды каранавання Браслаўскай іконы Багародзіцы быў напісаны адмысловы трапар (літургічная песня), які будзе выкарыстоўвацца ў малітоўных набажэнствах.