22 студзеня 2010 г. Святы Айцец Бэнэдыкт XVI сустрэўся з кіраўнікамі дыкастэрый Рымскай Курыі. У сустрэчы прынялі ўдзел Прэфекты ватыканскіх кангрэгацый, трыбуналаў і старшыні Папскіх радаў.

Падчас падобных сустрэч адбываецца абмеркаванне актуальных праблем Каталіцкага Касцёла і пастаноўка асноўных задач, што знаходзяцца ў кампетэнцыі ведамстваў Апостальскай Сталіцы. Як правіла, па выніках гэтых сустрэч Ватыкан не абвяшчае камунікатаў.