21 мая 2010 г. Святы Айцец Бэнэдыкт XVI удзяліў аўдыенцыю Прэзідэнту Дамініканскай Рэспублікі Леанэлю Фернандэсу. Падчас сустрэчы быў адзначаны ўнёсак Касцёла ў развіццё краіны, асабліва ў сферах асветы і санітарыі.

Як было падкрэслена, Касцёл у сваім служэнні жыхарам Дамініканскай Рэспублікі асаблівую ўвагу ўдзяляе найбольш патрабуючым. Была адзначана таксама важнасць абароны чалавечага жыцця ў краіне ад пачатку да натуральнай смерці.

У ходзе сустрэчы была звернута ўвага на ролю Дамініканскай Рэспублікі ў арганізацыі гуманітарнай дапамогі для ахвяраў землятрусу на Гаіці.

Пасля аўдыенцыі ў Пантыфіка кіраўнік Дамініканскай Рэспублікі сустрэўся з Дзяржаўным сакратаром Яго Святасці кардыналам Тарчызіо Бэртонэ і сакратаром па адносінах з дзяржавамі Дзяржаўнага сакратарыяту арцыбіскупам Дамінікам Мамбэрці.