Папа прыме Прэзідэнта Ізраіля

Святы Айцец

30.08.2010 13:40

У бліжэйшы чацвер, 2 верасня 2010 г., Святы Айцец Бэнэдыкт XVI прыме на аўдыенцыі ў Кастэль Гандольфа Прэзідэнта Ізраіля Шымона Пэрэса. Пра гэта паведамляе Прэс-служба Апостальскай Сталіцы. Бэнэдыкт XVI ужо тройчы сустракаўся з Пэрэсам: 6 красавіка 2006 г. і 6 верасня 2007 г. — у Ватыкане, а таксама ў маі 2009 г., падчас папскага візіту ў Святую Зямлю. Плануецца, што падчас сустрэчы будуць закрануты пытанні, звязаныя з сітуацыяй на Бліжнім Усходзе, а таксама ізраільска-палесцінскія адносіны. З 10 па 24 кастрычніка гг. у Ватыкане адбудзецца Сход Спецыяльнага Сінода Біскупаў для Бліжняга Усходу.