10 снежня 2010 г. Святы Айцец Бэнэдыкт XVI удзяліў аўдыенцыю Прэзідэнту Літвы Далі Грыбаўскайтэ. Лідэр Літвы сустрэлася таксама з Дзяржаўным сакратаром Яго Святасці кардыналам Тарчызіо Бэртонэ і Сакратаром па адносінах з дзяржавамі Дзяржаўнага Сакратарыяту Апостальскай Сталіцы арцыбіскупам Дамінікам Мамбэрці.

Як паведаміла Прэс-служба Апостальскай Сталіцы, тэмай размоваў была пазітыўная прысутнасць Каталіцкага Касцёла ў жыцці і дзейнасці літоўскага народа. Абодва бакі выказалі жаданне ўмацавання адносін. У ходзе сустрэч былі таксама выказаны меркаванні на тэму кіравання АБСЕ, якое будзе здзяйсняць Літва ў 2011 г., а таксама сённяшняй эканамічнай і грамадскай сітуацыі ў краіне. Пры гэтым была адзначана асаблівая роля сем’яў і моладзі.