Гэта архіў старой версіі сайта. Новая версія знаходзіцца па адрасе catholic.by
Святы Айцец сустрэўся з удзельнікамі Кангрэса Міжнароднай федэрацыі хору хлопчыкаў |
Святы Айцец |
30.12.2010 18:19 |
![]() У кароткай прамове на англійскай мове Папа падзякаваў сваім маленькім гасцям і іх апекунам за ўдзел «харавога спеву ў апостальскім служэнні» — паведамляе беларуская рэдакцыя Ватыканскага радыё. Пантыфік нагадаў словы св. Аўгустына, які казаў, што «спевы — гэта выраз радасці і любові». Папа дадаў таксама, што талент і вера ў спевах у гонар Бога становяцца голасам выражэння «натуральнага жадання кожнага чалавека праславіць Яго спевам любові». Кангрэс распачаўся 28 снежня і праходзіць пад дэвізам «Deus Caritas Est» («Бог ёсць любоў»). 1 студзеня 2011 г. маладыя артысты выступяць у базыліцы Святога Пятра у свята Найсвяцейшай Панны Марыі. На XXXVI Кангрэс Міжнароднай федэрацыі хору хлопчыкаў у Рым прыбыла каля 100 хораў з 14 краін свету. |
Пры выкарыстанні матэрыялаў сайта спасылка на Catholic.By абавязкова.