Бэнэдыкт XVI сустрэнецца з дэлегацыяй нямецкіх лютэран

Святы Айцец

13.01.2011 14:43

Дэлегацыя Аб’яднанай Евангельска-лютэранскай Царквы Германіі (VELKD) з 22 па 26 студзеня 2011 г. будзе прабываць з візітам у Італіі і Ватыкане. 24 студзеня дэлегацыю кіраўнікоў нямецкіх лютэран прыме Святы Айцец Бэнэдыкт XVI. Сярод 18 членаў дэлегацыі —  глава Евангельскай Царквы Баварыі біскуп Ёханнэс Фрыдрых з Мюнхена, цяперашні кіраўнік VELKD, адказны па справах экуменізму біскуп Фрыдрых Вэбэр і кіраўнік Сіноду евангельскіх Цэркваў у Германіі, былы прэм’ер Баварыі, Гюнтэр Бэкштайн. Падчас візіту ў Ватыкан дэлегацыя сустрэнецца са старшынёй Папскай рады спрыяння хрысціянскаму адзінству кардыналам Куртам Кохам. Тэмай гутаркі стане 500-я гадавіна рэфармацыі, якая будзе адзначацца ў 2017 г. Да таго ж дэлегаты сустрэнуцца з прадстаўнікамі супольнасці св. Ідзія, а 25 студзеня прымуць удзел у Нешпарах свята навяртання св. Паўла, якія на заканчэнне Тыдня малітваў за адзінства хрысціянаў узначаліць Пантыфік.