Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Пантыфік прыняў Прэзідэнта Чылі
Святы Айцец
03.03.2011 16:57

Пытанне абароны жыцця чалавека і сям’і, дапамога ў інтэгральным развіцці, барацьба з беднасцю, а таксама пытанне павагі правоў чалавека — галоўныя тэмы, якія былі закрануты падчас сённяшняй сустрэчы Бэнэдыкта XVI і дзяржсакратара Яго Святасці кардынала Тарчызіо Бэртонэ з Прэзідэнтам Чылі Себасцьянам Піньера.


Размова Папы з Прэзідэнтам працягвалася каля 25 хвілін. Па словах Прэзідэнт Чылі, мінулы год быў складаным у жыцці яго суайчыннікаў: 27 лютага адбыўся землятрус, а ў ліпені 2010 г. — трагедыя на горнай шахце.

На сустрэчы Прэзідэнта з Дзяржсакратаром Яго Святасці прысутнічаў таксама сакратар па адносінах з дзяржавамі Дзяржаўнага Сакратарыяту Ватыкана арцыбіскуп Дамінік Мамбэрці. Прысутныя закранулі пытанні абароны жыцця чалавека, сям’і, дапамогі інтэгральнаму развіццю і інш. Быў адзначаны важкі ўклад каталіцкіх устаноў у жыццё і фарміраванне чылійскага грамадства.

 


 

Пры выкарыстанні матэрыялаў сайта спасылка на Catholic.By абавязкова.