Напрыканцы сённяшняй агульнай аўдыенцыі Святы Айцец прывітаў Паўля Бхацці, брата забітага міністра па справах рэлігійных меншасцяў у Ісламабадзе. Пакістанскі дыпламат-католік быў забіты 2 сакавіка 2011 г.

Паўль Бхацці з’яўляецца спецыяльным дарадцам прэм’ер-міністра Юсуфа Разу Гілані па справах нацыянальных меншасцяў. У Рым прыбыў па запрашэнні супольнасці св. Ідзія, падчас сустрэчы якой запэўніў, што ён і ўся сям’я прабачылі забойцы брата.  

У інтэрв’ю Ватыканскаму радыё Паўль Бхацці адзначыў, што ў Пакістане з кожным днём павялічваецца рэлігійная дыскрымінацыя. Абавязковасць яе пераадольвання цяпер заўважаюць і ўлады краіны.