«Сёння Касцёл рэкамендуе практыку духоўнага кіраўніцтва не толькі тым, хто прагне наследаваць Хрыста, але кожнаму хрысціяніну, хто жадае адказна жыць ласкай хросту, г. зн. новым жыццём у Хрысце», — адзначыў Святы Айцец падчас сустрэчы з навучэнцамі папскага ўніверсітэта «Teresianum».

Заахвочваючы студэнтаў папскага тэалагічнага аддзяленя, якое сёлета адзначае 75-годдзе існавання, заглыбіцца ў таямніцу Хрыста, Пантыфік падкрэсліў значэнне вывучэння хрысціянскай духоўнасці. Бэнэдыкт XVI заклікаў студэнтаў «Teresianum» выкарыстоўваць набытыя веды для суправаджэння тых, каго даверыць ім Божы Провід, а таксама падтрымліваць у іх дзейнасць Святога Духа.