1 чэрвеня 2011 г. Святы Айцец Бэнэдыкт XVI прыняў на аўдыенцыі генерал-губернатара Аўстралійскага саюза Квэнцін Брайс. Пасля чаго прадстаўнік Аўстраліі сустрэлася з Дзяржсакратаром папы Бэнэдыкта XVI кардыналам Тарчызіо Бэртонэ і сакратаром па адносінах з дзяржавамі Дзяржаўнага Сакратарыяту Апостальскай Сталіцы арцыбіскупам Дамінікам Мамбэрці.

Падчас сустрэч быў падкрэслены важкі ўклад Каталіцкага Касцёла ў жыццё аўстралійскага грамадства. Абмяркоўваліся таксама пытанні актуальнай міжнароднай сітуацыі з асаблівым акцэнтам на стыхійныя бедствы і экалагічныя пытанні, а таксама на міжрэлігійны дыялог.