8 чэрвеня 2011 г. Святы Айцец Бэнэдыкт XVI сустрэўся з выканаўчым дырэктарам Упраўлення ААН па справах наркотыкаў і злачыннасці Юрыем Фядотавым.

Сустрэча стала нагодай для актывізацыі існуючага супрацоўніцтва з Каталіцкім Касцёлам. На думку расійскага дыпламата, Касцёл можа адыгрываць важную ролю ў прафілактыцы злачынстваў і наркаманіі.

Юрый Фядотаў сустрэўся таксама з арцыбіскупам Дамінікам Мамбэрці, сакратаром па адносінах з дзяржавамі Дзяржаўнага Сакратарыяту Апостальскай Сталіцы, і кардыналам Пітэрам Тарксанам, старшынёй Папскай рады «Iustitia et Pах».