На асаблівую ролю Касцёла Рыма для каталіцкай супольнасці звярнуў увагу Святы Айцец Бэнэдыкт XVI у разважанні перад малітвай «Анёл Панскі» 29 ліпеня 2011 г., ва ўрачыстасць свв. апосталаў Пятра і Паўла. Папа падкрэсліў, што першынство Пятра вынікае з Божага рашэння і ўпадабання, падобна як гэта адбываецца і ў выпадку паклікання да святарства.

Пантыфік таксама падзякаваў вернікам усяго свету за малітву ў яго інтэнцыі з нагоды 60-годдзя святарскага пасвячэння і выказаў удзячнасць прысутнай на сённяшніх урачыстасцях у Рыме дэлегацыі Канстанцінопальскага Патрыярхату.

У разважанні Святы Айцец адзначыў, што сведчанне любові і вернасці свв. Пятра і Паўла асвячае пастыраў Касцёла на тое, каб яны вялі людзей да праўды. Папа дадаў, што да Касцёла Рыма павінны імкнуцца ўсе Касцёлы, таму што ў ім заўсёды захоўвалася апостальская традыцыя, а вера Пятра — гэта фундамент Касцёла.

Звяртаючыся да італьянскіх пілігрымаў, Пантыфік асабліва падзякаваў вернікам дыяцэзіі Рыма. Таксама Папа прывітаў па-нямецку дэлегацыю з роднай Баварыі, якая прыбыла на 60-годдзе яго святарскага пасвячэння.