13 кастрычніка 2011 г. Бэнэдыкт XVI прыняў на аўдыенцыі Прэзідэнта Рэспублікі Гандурас Парфірыо Лоба. Затым з дыпламатам сустрэліся Дзяржсакратар Яго Святасці кардынал Тарчызіо Бэртонэ і арцыбіскуп Дамінік Мамбэрці, сакратар па адносінах з дзяржавамі Дзяржаўнага Сакратарыяту.

«Падчас сардэчнай размовы быў адзначаны вялікі ўклад, які Касцёл зрабіў у развіццё гэтай краіны, асабліва ў сферы адукацыі і медыцыны. Таксама звярталася ўвага на важнасць працягваць спрыяць прымірэнню і ўзаемапаразуменню паміж жыхарамі Гандураса, салідарнасці і міру ў пошуку супольнага дабра — прыводзіць тэкст паведамлення Прэс-службы Беларуская рэдакцыя Ватыканскага радыё.