«Заахвочваю вас заўсёды быць з’яднанымі з пастырамі, а таксама з новымі кардыналамі, каб быць у еднасці з Касцёлам», — адзначыў Святы Айцец Бэнэдыкт XVI падчас сустрэчы з роднымі і сябрамі, а таксама прадстаўнікамі палітычнага свету, якія прыбылі ў Рым на ўрачыстасці надання кардынальскай годнасці 22 кандыдатам.

Святы Айцец пажадаў прысутным, каб дадзеная кансісторыя абудзіла іх да падтрымкі служэння новых кардыналаў. «З жывой надзеяй услухайцеся ў словы айцоў і настаўнікаў. Будзьце з’яднанымі з імі і паміж сабой у веры і любові, каб штораз быць усё больш гарачымі і адважнымі сведкамі Хрыста», — дадаў Пантыфік.

«Еднасць Касцёла з’яўляецца дарам, які неабходна бараніць і развіваць», — сцвердзіў Святы Айцец.