22 верасня 2012 г. Святы Айцец Бэнэдыкт XVI зрабіў шэраг важных прызначэнняў. Папа прызначыў дэканам Трыбунала Рымскай Роты — вышэйшага судовага органа Каталіцкага Касцёла — кс. прэлата Піо Віта Пінто, які адначасова з’яўляецца прэлатам аўдытарам гэтай установы.

Таксама, па інфармацыі Ватыканскага радыё, Пантыфік прызначыў кардынала Джорджа Пэла, арцыбіскупа Сіднэя (Аўстралія), членам Кангрэгацыі па справах Біскупаў. І нарэшце, таксама 22 верасня, Папа пацвердзіў прызначэнне Генеральным сакратаром Сіноду Біскупаў каля 100 экспертаў, якія прымуць удзел у працы Сіноду па новай евангелізацыі, што пройдзе ў кастрычніку. Сярод іх святары, законнікі, свецкія вернікі — спецыялісты ў розных навуках і сферах сацыяльнай дзейнасці Касцёла.

(AG)