Паводле слоў Давуда Аліхані з «Асамблеі Бога», ахоўнікі ў турме Караон рэгулярна, выкарыстоўваючы розныя спосабы уздзеяння, намагаліся прымусіць яго адмовіцца ад хрысціянства. Напрыклад, ахоўнікі маглі не перадаваць яму лекі, якія было неабходна прымаць. Але фізічнага насілля  ў адносінах да пастыра, які знаходзіўся ў вязніцы ад мая мінулага года, яны не прымянялі.

Упершыню Аліхані быў арыштаваны разам з некалькімі хрысціянамі, што святкавалі Божае Нараджэнне ў Ахваз. Большасць з іх на працягу некалькіх гадзінаў вызвалілі, а Аліхані быў пераведзены ў цэнтр зняволення для допытаў разам з пастырам Фархадам Сабакрухам, яго жонкай і адным з актывістаў.

Іх трымалі ў турме да лютага 2012 года, пакуль не вызвалілі часова. У кастрычніку 2012 суд асудзіў Давуда Аліхані на 1 год турэмнага заключэння па абвінавачванні ў навяртанні ў хрысціянства і дзейнасці супраць рэжыму.