З першымі пратэстамі супраць немагчымасці прымяняць сваё права на выхаванне дзяцей выступілі рымскія бацькі пасля ўвядзення ў муніцыпальных яслях і дзіцячых садках праграм па выхаванні «плюралізму сямейных мадэляў і сэксуальных роляў», накіраваных на «пераадоленне стэрэатыпаў».

Праграма была запушчана муніцыпальнай адукацыйнай службай 20 лютага. Сярод прычын, якія паказваюць на неабходнасць увядзення новай праграмы, пералічваецца «няроўнасць полаў і ўстойлівасць традыцыйных мадэляў у італьянскай адукацыйнай сістэме». З гэтай мэтай каля 7 тысяч выхавальнікаў рымскіх ясляў і садкоў павінны будуць прайсці ўжо ў бягучым навучальным годзе адукацыйны курс па гендэрнай ідэнтыфікацыі. Яшчэ адной цаглінкай у будынку гендэрнай ідэалогіі стаў праект па барацьбе з гамафобіяй у школах, які прадугледжвае сустрэчы навучэнцаў з прадстаўнікамі асацыяцый ЛГБТ.