Акцёр Расэл Кроў, які выканаў галоўную ролю ў фільме «Ной», паспрабаваў з дапамогай твітэра ўгаварыць Папу Францішка паглядзець гэтую карціну.

Першае паведамленне адпаведнага зместу з'явілася ў блогу акцёра 22 лютага. Тады Кроў спытаўся, ці не жадае Святы Айцец паглядзець карціну, і падзяліўся здагадкай, што Пантыфік палічыць стужку «прыцягваючай увагу».

У наступным паведамленні, датаваным 24 лютага, Кроў дзяліўся з Папам Францішкам уласным меркаваннем пра фільм. Акцёр назваў «Ноя» магутнай кінакарцінай, якая можа выклікаць рэзананс. У той жа дзень Кроў звярнуўся да фермераў, дзейнасць якіх, на думку акцёра, трапляе ў сферу зацікаўленасцяў Святога Айца. Ён папрасіў іх рэтвіціць яго папярэднія паведамленні.

Пастаноўкай фільма «Ной», заснаванага на біблейскім аповедзе пра каўчэг, займаўся Дарэн Аранофскі. Карціна стала самым буйнабюджэтным праектам гэтага кінематаграфіста, па наяўных дадзеных, на яе здымкі пайшло 125 мільёнаў долараў ЗША. Разам з Кроў у стужцы зняліся Джэніфер Коннелл, Энтані Хопкінс і Эма Уотсан.

«Ной» выйдзе ў пракат у канцы сакавіка 2014 года.

У кастрычніку 2013 года ў прэсе з'явіліся паведамленні аб тым, што «Ноя» паказалі прадстаўнікам рэлігійных суполак, і рэакцыя на фільм аказалася неадназначнай (у прыватнасці, некаторыя казалі пра тое, што карціна далёкая ад зыходнага тэксту). У выніку Paramount прапанавала перамантаваць фільм, што выклікала незадаволенасць рэжысёра. У сярэдзіне лютага 2014-га стала вядома, што Аранофскі пераканаў кампанію выпусціць на экраны рэжысёрскую версію.