На Кніжным кірмашы ў Турыне пройдзе чарговы этап ватыканскай ініцыятывы “Падворак язычнікаў”. Сустрэча, якая адбудзецца 8 мая, будзе прысвечана з’яве мафіі і яе ўплыву на занятасць моладзі.

У прыватнасці размова будзе засяроджана на тым, якім чынам крымінальныя групоўкі пранікаюць у фінансавыя структуры краін і як гэта прыводзіць да эканомікі, заснаванай на хлусні.

У дыскусіі прымуць удзел італьянскія спецыялісты па барацьбе з мафіяй, эксперты з “Інтэрполу”, вядомыя банкіры і эканамісты. Кардынал Джанфранко Равазі, старшыня Папскай рады па культуры - галоўнага арганізатара “Падворка язычнікаў” - прадставіць пазіцыю Касцёла па дадзенай тэматыцы.

Паводле беларускай рэдакцыі Ватыканскага радыё

(AG)