Вынікі даследаванняў: як выглядае тыповы амерыканскі каталіцкі святар 2014

22.05.2014 12:50

Тыповы амерыканскі каталіцкі святар, які прыняў прэзбітэрскае пасвячэнне ў 2014 г., выглядае наступным чынам: гэта 32-гадовы католік (з калыскі), у якога ёсць тры або больш родныя браты. Такія дадзеныя даследавання, праведзенага для Канферэнцыі Каталіцкіх Біскупаў Злучаных Штатаў Цэнтрам прыкладных даследаванняў апостальства (Center for Applied Research in the Apostolate), якія падае агенцтва CWN. Тыповы кандыдат у святары, па дадзеных даследавання, таксама рэгулярна маліўся на ружанцы і прымаў удзел у эўхарыстычнай адарацыі перад тым, як паступіць у семінарыю. 31 % будучых семінарыстаў паходзяць з замежжа. Найбольш тыповымі замежнымі краінамі нараджэння будучых амерыканскіх каталіцкіх святароў з'яўляюцца: Мексіка (6%), В’етнам (4%), Калумбія (2%), Польшча (2 %) і Філіпіны (2%) . У сярэднім гэтыя семінарысты замежнага паходжання жылі ў Злучаных Штатах ужо на працягу 13 гадоў і прыбылі ў ЗША ва ўзросце 23 гадоў. Непрапарцыянальна высокі працэнт будучых святароў, якія вучыліся ў каталіцкай пачатковай школе (50 %), каталіцкай сярэдняй школе (41 %) або каталіцкім каледжы (45%). Акрамя таго, непрапарцыянальна высокі працэнт тых, хто навучаўся дома: 5 % мелі хатняе навучанне, як правіла на працягу сямі гадоў, у той час, калі менш за 2 % амерыканскіх дзяцей у цэлым атрымліваюць адукацыю дома. Усе семінарысты, якія атрымалі адукацыю дома, з’яўляюцца ўраджэнцамі Злучаных Штатаў. 7 % будучых святароў амерыканскага паходжання мелі хатнюю адукацыю. Таксама даследаванне паказала: сярэдні ўзрост новапасвячаных святароў — 32 гады; максімальны — 34; тыповы семінарыст жыў у сваёй дыяцэзіі на працягу 15 гадоў перш, чым паступіць у семінарыю, хоць 11% жылі ў сваёй дыяцэзіі менш за год перш, чым паступіць у семінарыю; 67 % будучых святароў беласкурыя, 15% — лацінаамерыканцы , 11% — азіяты, і 3% — чорныя; 9 % — навярнуліся і прыйшлі ў Касцёл у сярэднім у 19-ці гадовым узросце. у 36 % ёсць сваяк, які быў святаром або манахам; у 81 % выпадкаў абодва бацькі былі католікамі; 4 % служылі ў амерыканскіх узброеных сілах; у 15% быў бацька , які зрабіў кар'еру ва ўзброеных сілах; 68 % рэгулярна маліліся на ружанцы, 70 % рэгулярна ўдзельнічалі ў эўхарыстычнай адарацыі перад тым, як паступіць у семінарыю; усе пачалі разглядаць магчымасць свайго служэння ў шэрагах каталіцкага духавенства ў 17 гадоў; 71 % былі заахвочаны сваімі парафіяльнымі святарамі ў пакліканні стаць духоўнымі асобамі; 45 % былі заахвочаны сябрам, 43 % — парафіянамі, 38 % — маці і 28% — бацькам; 5% адгаворваліся ад паступлення ў семінарыю святаром; 12% — сваімі бацькамі, 11% — маці і 22% — іншымі членамі сям'і; у 20% ёсць пяць ці больш родных братоў, у 11% ёсць чатыры родныя браты, у 21% ёсць тры родных брата, у 25% ёсць два родныя браты, у 20% ёсць адзін родны брат, і ў 3% няма родных братоў; 37% — найстарэйшыя дзеці ў сваіх сем'ях; 31 % з'яўляюцца наймалодшымі; 54 % атрымалі ступень бакалаўра перш, чым паступіць у семінарыю, 16% маюць навуковую ступень; 60 % працавалі поўны працоўны дзень перад тым, як паступіць у семінарыю; 49 % прымалі ўдзел у моладзевай групе парафіі, 30 % былі скаўтамі, 26% прымалі ўдзел у руху Knights of Columbus; 26 % прынялі ўдзел у Сусветных днях моладзі, 14% прымалі ўдзел у летняй канферэнцыі францішканскага ўніверсітэта Ст’юбэнвіла. (AYU)